من صفحات مجلة سمير .. قصيدة : القمر في الشتاء

29/01/2016 - 8:54:13

رسوم : آمال خطاب رسوم : آمال خطاب

الشاعر - سمير عبد الباقى

ياسحابة الشتا


سلمي ع القمر


قولي له أنا وصحابي


ح يوحشنا السهر


★★★


ح نقفل النوافذ


ندور ع الدفا


وقلوبنا ياسحابة


من طبعها الوفا


★★★


ح يكون كتير علينا


ليل الشتا وشهوره


من غير ماتشوف عنينا


ضوء القمر ونوره


★★★


ياسحابة وصلي له


سلام قلوب وفية


ع البعد بتناديله


يظهر ولو شوية


★★★


يبان ولو دقيقة


ويطل من القزاز


ومعاه نور الحقيقة


لأصحابه العزاز