النجوم للسيسي.. والشباب لصباحي .. وحرب الغناء تشتعل بين مرشحي الرئاسة

28/05/2014 - 10:37:01

السيسي وحمدين السيسي وحمدين

كتب - محمد جمال كساب

تشهد الانتخابات الرئاسية التي تنطلق يومي 26 و27 مايو الجاري والتي تأتي بعد ثورتي 25 يناير 2011 و30 يونيه 2013 صراعاً بين المطربين لتأييد مرشحي الرئاسة المشير عبدالفتاح السيسي والسيد حمدين صباحي مؤسس التيار الشعبي.


فقد انضم نجوم الطرب والتلحين والتأليف لتأييد السيسي بينما انجذب الشباب لصباحي. وهذا يؤكد علي دور الفن في التأثير علي الشعب في قراراته المصيرية.


وجاء مضمون الأغاني ليعبر عن أسباب اختيار المرشحين والصفات التي تميزهما والمطالب والأحلام التي سيحققانها عند الفوز بالمنصب الرئاسي حيث جاءت أغاني تأييد السيسي، تصفه بالبطل الفارس الهمام الذي أنقذ الشعب المصري من فاشية جماعة الإخوان.


وفيما يخص محتوي أغاني المرشح حمدين صباحي فقد وصفه جمال بخيت في قصيدة أحمد إسماعيل «الصبحخ أبو وش جميل. صوته في الضلمة دليل .. للكلمة الحرة اتقالت في الثورة».


طرح النجم هاني شاكر أغنية «كمل جميلك» لدعم السيسي تقول كلماتها «بالملايين نيجلك ... تاني بناديلك يامحببنا فيك عيون الدنيا عليك


ولا تحلي إلا بيك ما تكمل جميلك


آه يا مسابق الزمان قلبك مليان إيمان


وافتح لنا البيان،... كلناعايزينك


بالملايين نجيلك تاني بناديلك


سبحانه في علاه بعتك طوق نجاة


لبي لشعبك نداه خليه دايما دليلك.


أما الفنانة آمال ماهر فقد قدمت أغنية «طوبة فوق طوبة» كلمات أيمن بهجت قمر وألحان عمرو مصطفي تقول:


«طوبة فوق طوبة وابني مصر مكتوبة لابني وعاجبني انك مشاركني وبتبني معايا واللي مكسور يتصلح شاركني وحاجة تفرح مش هنمشي


غير لما نرفع تاني الراية.


وقدمت المطربة جواهر اغنية: «سيسي رئيسي »


سيسي ياسيسي انت وبس رئيسي مصر بلدنا أم الدنيا ومعاك هتكون قد الدنيا


ياللي بدأت يجري لك دمي إنت مافيش زيك في الدنيا..


مصر فريقها كله بطولة


إنت بطل من الدرجة الأولي


وقفة راجل كلمة راجل وعليك هيبة مش معقولة


أما أغنية «عايزينك» اشعار نصر محروس وألحان حسين محمود وغناها بهاء سلطان وسوما دياب وتوبا ونبيل وتقول :


عايزينك علشان عايزين نعيش في أمان شوية، عايزينك ولازم تعرف ياسيسي دي مسئولية


فوضناك وبأمر الشعب فلتحيا الحرية


عايزينك ياسيسي علشان تفرح بهية


من بحري ومن قبلي وكل الدنيا تقولها


مش عايز غيرك أنت ياسيسي تبقي إنت اللي راجلها.


وغني شريف حمدي أغنية «كمل جميلك» كلمات وألحان أحمد حشيش تقول «كنا في توهه وغربة ما كناش عايشين


ووقفت جنب الثورة ياقائد يا أمين


ما تكمل جميلك والله يعينك


كلنا محتاجينك مصر بتنادي لك


وطرح المطرب الشعبي شعبان عبدالرحيم أغنيتين تقول:


الأولي:


«كلنا بنحب السيسي كلنا بنحب النصر مالناش هدف رئيسي غير مصر عبدالفتاح السيسي بنحبك وبتأييد أكثر من مرة نزلنا وعملنا لك تفويض.


لا وراك أحزاب ولا شلة العالم قال :


بتفكرنا بمانديلا وزعيم الأمة جمال.


والأغنية الثانية «السيسي راجل دكر»


بقينا علي الحديدة والناس تعبانة موت عايزين حكومة جديدة.


دي مشاعري ودي احاسيسي الكل بعينه شاف


لو كله زي السيسي احنا ماكناش نخاف


دايما تفكيره مبتكر والناس كلها عاشقا صحيح ده راجل دكر والشعب كله وراه.


وقدم المطرب عمرو مصطفي أغنية «السيسي رئيسي» :


ياسيسي الناس هتهيص عايزينك تبقي رئيسي


علشان الدنيا أمان والخير معاك هيبان


مصر بترقص فرحانة وهي في إيديك بأمانة


وأرجع تاني وأقول لك كلنا قاعدين نتمني تبقي رئيسنا ونتهني


وهناك أيضا موال «علي مصر ما تخافوش» الحان وغناء أمجد عفت يقول:


ياسيسي ياسيسي وحببنا وقائدنا وزعيمنا ورئيسنا السيسي قال عنها أم الدنيا وهتبقي قد الدنيا هنشوفها حاجة تانية، وهو رئيسها ورئيسي سيسي ربنا يحميك ويصونك ياشيلها جوه عيونك عمرنا ما في يوم هنخونك وإحنا وراك أنت ياسيسي.


وهناك أغنية «الله وكيلك كمل جميلك» كلماتها تقول:


«كمل جميلك يا سيسي، مصربتناديلك، حبيتنا واحنا حبينك، والحب باين في كلامك، ومصربانت في عيونك، حبك ملأ قلوبنا يا سيسي... نصرتنا ينصردينك، الله يصونك ويعينك، مش عايز، احنا عايزينك، دانت الأمل لينا يا سيسي.


وطرح المطرب أمين سامي أغنية «عايزينك انت الرئيس» عايزين ايدك في ايدنا، عايزينك انت الرئيس، علشان انت نور عنينا، مصر أمانة في ايديك وحطها في عنيك، لو تطلب منا حياتنا، برضه ما تغلاش عليك.


دي إرادة شعب يا ناس، مش أي كلام وخلاص، السيسي رئيس مفيش كلام.


وهناك مكانة خاصة تحتلها أغنية «تسلم الأيادي» كلمات وألحان وغناء مصطفي كامل، بمشاركة مجموعة من المطربين حيث تعتبر ايقونة الحملة الانتخابية للسيسي


وأيضا أغنية «سيادة المواطن» لحسين الجسمي، كلمات نادر عبدالباقي، ألحان وليد سعد.


وغني الشاعر المطرب حاتم عيسي، أغنية «آمين.. آمين» كلمات أحمد عيسي وألحان باسم نور، تقول كلماتها:


«المصري اللي يخاف علي بلده، ويحافظ علي جيشه وشعبه، والمصري إللي أنقذنا في محنة، جمعنا كلنا إيد واحدة».


لازم كله يصوت ليه، ندعي له ربنا يحميه.


المصري الصادق في وعوده ولما حلف لنا شوفنا جهوده


المصري الفارق في همومه، لازم كله يصوت ليه.


ولصباحي أيضا


وجاءت الأغاني القليلة لدعم المرشح حمدين صباحي مؤسس التيار الشعبي معبرة عن مواقفه الوطنية ومعارضته للأنظمة السابقة ووقوفه مع ثورتي 25 يناير 2011 و30 يونيه 2013 ودعمه لأهدافهما ووقوفه بجوار الفقراء.


واحتلت أغنية «هنكمل حلمنا» مكانة كبيرة في حملته للشاعر أحمد البرعي والمطرب علي إسماعيل.


تقول «من أجل العيش والحرية، من أجل عدالة اجتماعية، صوتي في إيدي هو سلاحي، انتخبوا حمدين صباحي... واحد مننا شبهي وشبهك حامل همي وحامل همك، حاسس بجراحك وجراحي، انتخبوا حمدين صباحي.


ودعمه المطرب أحمد إسماعيل بأغنية «فجر الغلابة» كلمات كرم البغدادي، فجر الغلابة جاي بكرة... يا عم كامل يا خاله بشري بر السلامة، عدل وكرامة، وعيش وأمن وإرادة حرة، طلع صباحي وصباحي نادي، من بين صفوف جماهيري تنادي... كنز الأحبة هو المحبة، يا مصر يا اللي هتعودي شابة، فلاح قراري يا سترداري، عاشق ترابها ولمصر شاري.


صباحي عربي والدم عربي، حلم موعدنا يا عم عربي، لا عمره ماين ولا باع ميادنه، واضح وباين والصدق واعده الشعب قائد لكل فارس، الشعب جامعة لكل دارس، بكره صباحي جاي برباحي.


وطرحت أغنية «لتاني مرة نقول حمدين» كلمات عادل السقعان ومحمد علي وغناء حسام شمسو وبلال النجيدي.


وفيها «لتاني مرة نقول حمدين، عمال وطلبه وفلاحين، رئيس بجد لكل المصريين».


واستخدمت الحملة الشعبية لدعم صباحي بعض الأغاني التي دعمته في انتخابات الرئاسة السابقة عام 2012 منها أغنية «صوتي لحمدين صباحي اشعار جمال بخيت، ألحان محمد رحيم، غناء نادر نور، شريف إسماعيل وأحمد خلف، أحمد حليم، تقول كلماتها «صوتي للناس والنيل، والصبح أبووش جميل، نجمه في الضلمة دليل ونايات بتنادي صباحي، صوتي لصلاح الدين، ناصر ستة وخمسين، ماشي في وسط الملايين، ميادين، وواحات، نواحي .


صوتي للكلمة الحرة، اتقالت مليون مرة، ف الثورة وقبل الثورة، كانت بتهز رياحي.


وأغنية «واحد مننا» للمطرب أحمد سعيد من قبل ما ينزل نبي علي الأرض كان الوطن أول شريعة وفرض، وما كانش فيه ولا سجن ولا سجان... وقبل ما يكون للوجود ده حدود، كان الوطن جوه البشر موجود، فيه واحد مننا.. أكيد يقدر يسند خطانا، ويعرف العنوان فيه، تقدر تقول إن الوطن إنسان وانت الوطن يشبهك.. في براءة الأحلام. وبفرحتك لو سبق بخطوتين قدام. وبوقفتك وياه بثورة علي الطغيان».